Carita Sajarah Penciptaan Dunya Wayang
Modul Pertemuan ka-hiji
Materi Carita Wayang
Carita sajarah penciptaan dunya wayang
Di Kahiyangan
tempat cicingna Hyang Tunggal anu boga pamajikan anu ngaranna Déwi Rekatawati.
Hyang Tunggal bangun anu bungaheun sabab Déwi Rekatawati keur kakandungan pikirna
sakeudeung deui boga budak. Dina waktuna kabungah Hyang Tunggal teu kalaksana
sabab Déwi Rekatawati teu ngalahirkeun budak tapi hiji endog. Hyang Tunggal
ambek éta endog ku Hyang Tunggal dipepeskeun nepika jadi tilu bagian, tina
kulit endog jadi hiji orok anu dingaranan Hyang Antaga, kokonéngna jadi hiji
orok anu dingaranan Hyang Manikmaya, jeung bobodasna jadi hiji orok anu
dingaranan Hyang Ismaya.
Saenggeus
sawawa Hyang Antaga jeung Hyang Ismaya paséa marebutkeun kakawasaan anu
ditinggalkeun ku Hyang Tunggal, ku sabab kasaktianana saimbang jadi euweuh anu
éléh, ku kasarakahanana Hyang Antaga jeung Hyang Ismaya diturunkeun ka alam
dunya sarta robah wujudna, Hyang Antaga turun ka alam dunya robah jadi hiji
mahluk siga jalma tapi biwirna gedé jeung jebléh dibéré ngaran Togog boga
pancén pikeun ngaping kaum Danawa jeung Kurawa kitu ogé Hyang Ismaya
diturunkeun ka alam dunya, robah jadi hiji mahluk anu sarupa jeung manusa tapi
beuteungna bureuteu tur awakna hideung sarta dingaranan Semar Badranaya anu boga
pancén pikeun ngaping jeung ngadidik putra turunan Pandu nyaéta Pandawa. Hyang
Manikmaya dibéré kalungguhan jadi pangawasa di Kahiyangan ngagantikeun Hyang
Tunggal sarta boga jujuluk Batara Guru.